Bílasala Akureyrar

BYD - Rafbílar byggðir á áratuga reynslu af rafhlöðum

BYD er kannski tiltölulega nýtt nafn á íslenskum bílamarkaði, en fyrirtækið sjálft er langt frá því að vera nýtt af nálinni.

BYD var stofnað árið 1995 sem rafhlöðufyrirtæki og hóf bílaframleiðslu árið 2003. Það er einmitt þar sem sagan verður áhugaverð. Í stað þess að byrja sem hefðbundinn bílaframleiðandi og bæta rafmagnstækni við síðar, kom BYD inn í bílaiðnaðinn með áralanga reynslu af rafhlöðum, rafeindatækni og orkustýringu.

Í dag er BYD orðið einn stærsti framleiðandi raf- og tengiltvinnbíla í heiminum. Árið 2025 seldi fyrirtækið um 4,6 milljónir bíla og BYD-bílar eru nú seldir á fjölmörgum mörkuðum um allan heim.

Það sem gerir BYD öðruvísi

Það er auðvelt að setja öll ný kínversk bílamerki undir sama hatt. En BYD stendur að mörgu leyti öðruvísi að vígi.

Fyrirtækið þróar sjálft stóran hluta þeirrar tækni sem skiptir mestu máli í rafbíl: rafhlöður, rafmótora, aflstýringu, hugbúnað og rafeindabúnað. Þetta gefur BYD meiri stjórn á bæði þróun og framleiðslu en hjá mörgum framleiðendum sem kaupa stóran hluta lykilíhluta frá öðrum. Það er líka ein ástæðan fyrir því að BYD getur boðið mikinn búnað og mikla tækni fyrir verðið án þess að bíllinn þurfi að vera „ódýri kosturinn“.

Blade Battery – hjartað í BYD

Rafhlaðan er líklega það sem BYD er þekktast fyrir.

Blade Battery er LFP-rafhlaða sem BYD hefur þróað sjálft með áherslu á öryggi, endingu og hitastöðugleika. Í nýjustu bílunum er rafhlaðan jafnvel samþætt inn í burðarvirki bílsins með svokallaðri Cell-to-Body tækni. Það hjálpar til við að auka stífleika yfirbyggingarinnar, nýta pláss betur og halda þyngdarpunktinum neðar.

Þetta er mikilvægt atriði fyrir okkur. Þegar við seljum rafbíl viljum við ekki bara vita hversu stór skjárinn er eða hversu hratt hann fer í hundraðið. Við viljum vita hvað er undir honum og hver stendur á bak við tæknina.

Hannað sem rafbíll frá grunni

BYD e-Platform 3.0 var þróað sérstaklega fyrir rafbíla. Þar vinna rafhlaðan, rafmótorarnir, aflstýringin og yfirbyggingin saman sem eitt kerfi í stað þess að rafdrif sé sett inn í grunn sem upphaflega var hannaður fyrir bensín- eða dísilbíl. Kerfið styður meðal annars fram-, aftur- og fjórhjóladrif auk 400 og 800 volta rafkerfa.

Útkoman sést vel í bílunum sjálfum: gott innanrými, öflugir rafmótorar, mikil staðalútbúnaður og sífellt hraðari hleðsla.

Af hverju BYD hjá Bílasölu Akureyrar?

Í júní 2026 hófum við sölu á BYD hjá Bílasölu Akureyrar.

Við höfum selt bíla á Akureyri í yfir 30 ár og ákvörðunin um að bæta við nýju merki ekki tekin í flýti.

Það sem vakti áhuga okkar á BYD var ekki bara verðið. Það var útlitið, tæknin á bak við bílana, reynslan af rafhlöðum, stærð framleiðandans og hversu mikill hluti af BYD er undir þeirra eigin framleiðslulínu. Í BYD-línunni eru meðal annars fjórhjóladrifnir fjölskyldubílar, kröftugir rafbílar, rúmgóðir sjö manna bílar og minni bílar fyrir daglegan akstur. Varmadælur, góð drægni og öflug rafhlaða gera úrvalið sérstaklega áhugavert fyrir íslenskar aðstæður.

Bílarnir þurfa svo auðvitað að standast norðlenskar kröfur! Það má því segja að BYD tékkar í öll boxin.